Námsferðin

Ferðin til Slóveníu og Króatíu var alveg frábær. Við skoðuðum ofboðslega mikið og gengum stanslaust alla dagana. Veðrið var eins og best er á kosið, 25 stig og sól. Yfirleitt vöknuðum við um kl 8 og borðuðum morgunmat. Hittumst svo öll kl 9 einhversstaðar og gengum af stað eftir prógrammi kennarans. Eftir það, kl ca 17-18, fóru allir í sturtu og ný föt, og hvíldu þreytta fætur í kannski korter. Um kvöldið borðuðum við saman á veitingastað og svo á kaffihús, klúbba eða bari. Mjög stíf keyrsla sem er mjög skemmtilegt en hefði ekki verið hægt að halda lengur út en viku! Við skoðuðum gamlar og nýjar byggingar, ný byggingarsvæði, listamannahverfi, arkitektaskóla, arkitektastofur o.s.frv. Virkilega vel heppnuð og eftirminnileg ferð :)