Dagur Kári meikarða!

Heima á Íslandi kynni ég mig stundum sem Einar Sveinsson eða eitthvað álíka þegar rétt nafn skiptir ekki sköpun. Þetta geri ég til að forðast að þurfa að endurtaka Ebenezer nokkru sinnum eða útskýra að ég sé ekki útlendingur eða að jú vissulega sé ég ættaður að Vestan en nei ég þekki ekki Dýrfinn Númason (eins og allir með skrýtin nöfn ættu að kannast við hvern annan :). En lang-oftast finnst mér frábært að vera sá eini í heimi sem heitir mínu fulla nafni. Full nöfn ættu bara að vera skrásett vörumerki. Ég var því hikandi um hvort ég ætti að sýna Degi fréttina um að nafnið hans væri næst algengasta nafnið um þessar mundir. Mér fannst þetta alveg ferleg frétt og því kom mér á óvart að hann hoppaði nánast hæð sína í loft upp. Þá mundi ég einmitt að þegar maður var 12 ára vildi maður vera eins og allir aðrir... En nóg um það.

Þegar við gáfum Degi nafnið þekkum við bara nokkra með því nafni. Og þá helst auðvitað Dag Kára. Hann var þá bara vinur en ekki heimsfrægur. Núna er hann búinn að meika það og toppa í orðsins fyllstu merkingu. Vinsælustu kvenmansnöfnin eru án nokkurs vafa Silvía og Nótt...