Ferðalag

Núna er vikuhaustfrí hjá grunnskólum og Dagur hefur brallað ýmislegt skemmtilegt á meðan. Fríið byrjaði með skólaballi, fyrsta sænska ballinu hans, og hann afrekaði það að vinna 2 danskeppnir ótrúlegt en satt :)
Honum fannst allavega rosalega gaman og var mjög þreyttur eftir allan dansinn. Einn frídaginn fór Dosti með hann í tæknisafn og í dag var hann í badmintonæfingabúðum.

Á morgun ætlum við í langþráð ferðalag í 4 daga og erum búin að panta gistingu á ýmsum áhugaverðum stöðum nálægt Smálöndunum. Við stefnum á að skoða frekar lítil þorp en geyma borgirnar t.d. Malmð og Gautaborg þangað til seinna. Annað ferðalag seinna er svo Skán og syðsti hluti Svíþjóðar. Enn annað ferðlag er svo norður Svíþjóð...nóg eftir...

Talandi um landfræðilega hluti, þeir sem ekki eru núþegar búnir að hlaða niður google earth forritinu (sem er frítt) ættu að drífa í því. Því miður er það ekki enn til fyrir makka en bara pc tölvur. Ég nota það óspart í skólanum, ótrúlega skemmtilegt. Þetta er semsagt forrit þar sem maður getur séð allar borgir, staði, landslag á jörðinni ofan frá eins og úr flugvél. Sumstaðar er upplausnin og myndirnar betri en annarsstaðar og hægt að súmma ansi vel niður. Svo eru þeir greinilega að vinna á fullu í þessu því myndir af sumum stöðum verða betri með nokkura daga millibili. Það er líka verið að vinna í því að gera sumar borgir í þrívídd, t.d. Tokyo og L.A. komið. Mæli með þessu allavega!

Svo ein mjög mikilvæg og áhugaverð staðreynd (fyrir suma allavega):
Bærinn sem er næstur okkur, Upplands Vasby, er sko heimabær Europe meðlimanna (eitísband) og þess má geta að einn bekkjarbróðir Dags býr í húsi sem einn meðlima bandsins bjó í! vá!!!

Og meira um tónlist því við sáum í sjónvarpinu hér um daginn "Gargandi snilld". Það var notalegt að sjá og heyra Orra og Dag Kára í stofunni okkar :)