Unglingatískan í Svíþjóð

Dagur er orðinn mikill tískukall eins og sumir vita. Ég man eftir nokkrum merkjum sem voru ómissandi þegar ég var á hans aldri. Converse skór, Adidas satíníþróttagalli og Millett dúnúlpa. Það var held ég það sem maður vældi út úr foreldrum sínum til að vera eins og hinir.

Í dag eru tímarnir aðrir. Um daginn þegar ég lét undan þrýstingi og gaf Degi Björn Borg nærbuxur vann ég mér inn mörg stig og tískusuðsfriðhelgi næsta hálfa árið held ég. OK Björn Borg nærbuxur eru skýr merki um að Dagur er farinn að verða of mikill Svíi en maður verður nú að lifa eins og innfæddir til að geta sagst hafa búið þar. En nærbuxurnar eru ekkert miðað við furðulegasta tískuvarninginn sem ég hef séð til þessa. Head & Shoulders er sjampóið fyrir unglinga! Hvort sem þeir eru með flösu eða ekki. Það er enginn maður með mönnum en að baða sig upp úr H&S. Hverjum hefði dottið það í hug.