Heimdallur er kannski ég eftir allt? XDosti?

Úr Morgunblaðinu:
"Undanfarnar vikur hefur miðborg Reykjavíkur verið miðpunktur umræðunnar og þá aðallega undir þeim formerkjum að þar ríki ómenning um helgar. Lögreglustjóri höfuðborgarsvæðisins og borgaryfirvöld hafa fundað um hugsanlegar aðgerðir vegna þeirrar stöðu sem upp er komin ásamt veitingamönnum. Þær hugmyndir sem settar hafa verið fram af yfirvöldum eru byggðar á forræðishyggju og takmarka frelsi veitingamanna og þeirra sem sækja miðborgina enn frekar. Tilfærsla skemmtistaða, fækkun veitingaleyfa, fleiri öryggismyndavélar eða breytilegur opnunartími milli staða er ekki árangursrík aðferð til þess að hafa jákvæð áhrif á skemmtanalíf í höfuðborginni.

Heimdallur, félag ungra sjálfstæðismanna í Reykjavík, bendir á að vandi miðborgarinnar um helgar skapist ekki af of miklu frelsi eins og einhverjir vilja halda fram, heldur vegna þess helsis sem stjórnvöld hafa skapað með boðum og bönnum og afleiðingum þess.

Ætla mætti að ástandið væri öðruvísi ef áfengisgjald á Íslandi væri ekki með því hæsta sem um getur í heiminum, reykingabann sett á án nokkurs aðlögunartíma eða meðalhófs, leigubílaleyfi takmörkuð við ákveðinn fjölda, og ekki má gleyma því að opnunartími skemmtistaða er nú þegar takmarkaður þrátt fyrir að rúmur megi teljast.

Stjórn Heimdallar hvetur yfirvöld til þess að nálgast málefni miðborgarinnar með raunhæfum hætti og bendir á að forræðishyggja og stjórnlyndi eru ekki leið að lausn vandans."

...þá vakna spurningarnar...hvað ætli maður þurfi að vera ungur til að teljast ungur, og getur maður verið bara ungur og sleppt sjálfstæðismaður? Eða vill einhver bjóða betur? Við erum sko á heimleið og verðum ofvirkir kjósendur...