Þá erum við komin heim til Runsa, það er alltaf góð tilfinning, og þetta er okkar "heim" núna. Ferðin til Íslands var auðvitað alveg frábær, þrátt fyrir drulluskítaveður ;)
Við náðum að hitta svona 85 prósent af þeim sem við vildum, nokkuð gott bara skilst mér. Fórum í útilegu, sund,Stykkishólmsferð og mörg mörg frábær matarboð, og græddum í leiðinni nokkur kíló! Inn á milli höfðum við það svo ofsalega gott í Grundarlandinu þar sem var stjanað við okkur á allan hátt.
Dagur fór nokkrum sinnum í golf og nokkrum sinnum í gömlu götuna okkar að hitta vinina. Nokkrar tilraunir voru gerðar til að grilla og það endaði í öll skiptin með því að Dosti hékk kappklæddur yfir grillinu í lengri tíma til að halda einhverjum varma gangandi í grillinu! Ó já Ísland! Með smá fjarlægð í okkur tókum við eftir því að þjónustan í Reykjavík er ömurleg, malbik og bílaslaufur eru ráðandi, fuglar voru áberandi fáir en náttúran alltaf jafn einstök. Tíminn leið ótrúlega hratt og allt í einu vorum við á leið til Stokkhólms aftur.
Hjónin komu auðvitað út á völl að sækja okkur, og á 2 bílum því þau héldu að Breki væri með. Svo buðu þau okkur í snarl um kvöldið. Það reyndist síðan vera þvílíkur afmælisverður með laxi, afmælisköku og gjöfum fyrir afmælisbarnið og reyndar líka pakkar fyrir krakkana!!! Þau eru mögnuð eins og venjulega!
Í dag kom elsku Breki til okkar, pínulítið lemstraður eftir fótboltamót en í góðum gír samt. Hér hefur verið sól og 26-30 stiga hiti síðan við komum, í dag er reyndar skýjað og 20 stig, en spáin er góð. Við ætlum að gera margt skemmtilegt saman meðan Breki er hjá okkur, ýmis plön. Dosti er reyndar að vinna á daginn en það gerir hann í tölvunni heima.
Ein frétt er að við ætlum í stutta ferð til New York 19.ágúst í 5 daga!!! Þetta kemur til af því að þetta grænakortsmál gekk í gegn meðan við vorum á Íslandi. Eftir að við höfðum gengið í gegnum allar skoðanirnar og pappírana og farið með "æ solemní sver..." (hahahaha) fyrir sendiráðsfólkinu var málið í höfn. Við þurfum að fara til USA til að virkja þennan rétt og því förum við í þessa ferð. Dýrt spaug þetta! En mikið erum við samt spennt fyrir þessari ferð.
myndir koma fljótt!
as
