Þekkt spæjarapör - takk Ásta fyrir að sá fræinu

Robyn að meika það í Bretlandi!!!

Komin í efsta sæti - vúhú! næst verða það Raymond og Maria

Húsið á Íslandi

Hér er mynd af húsinu á Laufásveginum sem við komum til með að flytja í 1. október!!!
Hér er orðið fullt hús aftur og allt normalt :)

Þetta unga fólk í dag!

Ég er búinn að nota tækifærið þessa dagana og leiða Dag í gegnum mörg af gullkornum silfurtjaldsins frá unglingsárum mínum. Sumt var greinilega bara gott í minningunni en nóg með það.

Við byrjuðum á góðu nótunum á Three Amigos. Svo helltum við okkur í First Blood, Mad Max, og....vá hvað maður er fljótur að gleyma...jæja nokkrar klassískar í viðbót.

Og í gær náðum við hápunktinum með Alien!!! en hann gafst upp af spenningi í miðri mynd. Sem var eins gott því annars hefði ég þurft að hafa mig afsakaðan :)

Mér varð þá ljóst að þetta unga fólk í dag hefur ekki fengið neina almennilegan spennumynd í bíó. Þetta er orðið svo yfirborðskennt formúlusull að ég bara skil ekkert í þessu? Dagur Kári! veit þú ert þarna úti, kom on nú...við höfum trú á þér.

Framtíðar referens fyrir einveru

Kannski hafa eitthvað meðlæti með fiskibollunum í dós.

Ef lykt byrjar að koma upp úr ruslinu versnar hún bara með hverjum deginum ef ekkert er að gert.

Það er bara kúl að ganga í fötunum sem ég má ekki ganga í vanalega svo ekki henda neinu!

UPPFÆRT
Ef maður sleppir því að afklæða sig fyrir svefninn, tannbursta sig og þvo sér sparar maður alveg hellings tíma - þannig getur maður t.d. hæglega horft á auka þátt af Melrose Place.

Myndirnar - fyrir og eftir

Við náðum að gera það sem flest ykkar töldu ómögulegt. Að finna bátinn og torgið sem við settum myndir af fyrir ferðina til Serifos. Aldrei vanmeta okkur aftur :) Ég sat á bryggjunni í 8 daga og beið eftir að báturinn legðist að bryggju á sama stað.

Myndir þessu til stuðnings hafa verið settar inn ásamt upprunalegu myndunum hérna 2-3 bloggum fyrir neðan.

|
|
v

Að velja sér hverfi

Eins og komið hefur fram erum við að flytja til Íslands eftir tæpa 2 mánuði. Það er tiltölulega erfitt að koma heim og kaupa íbúð, koma öllum fyrir í skóla og vinnu o.s.fr. þar sem við erum í raun að breyta öllu frá því við vorum heima síðast nema ættingjum og vinum.

En varðandi búsetu þá hefðum við áhuga á að búa miðsvæðis, jafnvel í miðbænum. Við munum búa fyrst um sinn alveg í mesta miðbænum og það verður ágætt að prófa. Það hafa fleiri en 1 eða 2 eða 3 reynt að telja okkur af því vegna þess að ástandið í miðbænum sé slæmt. Mér finnst það bara fallegt því það segir eiginlega að því er annt um okkur. En áhættumat er furðuleg fræði. Ég hef lesið töluvert um það í mínu námi og eins finnst mér það mjög skemmtileg fræði því þetta skiptir höfuðmáli fyrir líf og dauða hjá öllum lífverum að meta áhættur rétt. Allar tegundir eru góðar í að meta áhættur, það er innbyggt í þeim hvort þær eiga að hrökkva eða stökkva eftir að hafa metið aðstæður á augabragði. Mannfólkið hefur hinsvegar búið til svo flókinn veruleika að við getum ekki lengur dæmt um áhættu nema hafa fyrir framan okkur harðar staðreyndir sem er jafnvel mjög erfitt. Allt annað verður bara hlutlægt mat byggt á síðustu fréttum, hvað við þekkjum og hverju við höfum stórn á svo dæmi sé tekið. Gott dæmi um þetta er hræðslan við hryðjuverk er meiri en hræðslan við að keyra sem er minni en hræðslan við að ganga um miðbæinn að næturlagi. Tölfræði mun sýna allt annað. En nóg um þetta þeir sem vilja lesa frábærar greinar um þetta hafi samband við mig.

Ég ætlaði bara að segja að hús okkar hér tilheyrir hverfi sem heitir Runby og er gróið hverfi þar sem margir krakkar eru af 3ju kynslóð búenda. Flestir búa í einbýlishúsum, þokkalega menntaðir og nánast bara "hvítir" Svíar. Þar er enginn miðbær til að tala um heldur er þetta svefnhverfi - kannski eins og ég ímynda mér Mosfellsbæ, reyndar miklu færri fyrirtæki og verslanir en þar. Dagur gengur (gekk réttast sagt) í Runby skólann. Hann er meðalstór með 3 bekkjum í árgangi. Í þessu fyrirmyndarhverfi á sænskan mælihvarða, þar sem hljómsveitin Europe varð til, hefur samt verið nokkuð stormasamt. Núna á þessu ári hefur verið reynt að kveikja í húsum að næturlagi þar sem íbúar sofa og leikskólinn var brenndur til grunna. Í síðustu viku féll drengur í efsta bekk til bana í miðri viku undir áhrifum eiturlyfja, maður var myrtur af 4 mönnum með spörkum og hnífi, í júní réðust 4 drengir á aldrinum 14-18 ára á mann á heimili sínu við hliðiná skólanum um hábjartan dag og börðu hann til bana á hrottafenginn hátt. Maðurinn var bundinn hjólastól og kom engum vörnum við sem gerir þetta ólýsanlega óhuggulegt.

Ætli við hefðum flutt hingað með þessar upplýsingar undir höndum? hvað segja þessar upplýsingar eiginlega - maður getur ekki einu sinni lesið neitt í þetta því það er eiginlega ekkert rökrétt við þetta miðað við lýsinguna á hverfinu. EN - á meðan líkurnar eru ennþá miklu meiri á að slasast/deyja í bíl eða við heimilisstörf eða verða bitinn af hundi, höggormi og elgi á maður ekki að láta svona fréttir hafa áhrif á sig nema kannski á uppbyggjandi hátt gagnvart unglingunum o.þ.h. Ég myndi því ekki flytja hingað aftur en af allt öðrum aðstæðum en þessum.

Grikklandsferðin

Hér eru myndir frá Serifos og Aþenu. Lúran er þar í miklu magni.
Ef þið viljið fá skýringar við myndirnar smellið þið á þær!
Dagur og Dosti fara til Stokkhólms í fyrramálið og okkur vantar einhvern til að þvo fyrir okkur og elda. Ekki segja neinum það samt.

ferðasaga kemur kannski fljótlega.