AFMÆLI
Dagur okkar er 13 ára í dag 1.október!!!
Þetta er í fyrsta sinn sem ekki er afmælisveisla heldur ætlum við að eiga góðan fjölskyldudag. Á hans óskalista er súkkulaðibaka a la mamma, billiard, bíó og góður matur :) Það verður gaman.
Stokkhólmsfarar
Anna Sóley, Dosti, Dagur og Jana flytja til Stokkhólms!
30 september, 2006
Þetta er í fyrsta sinn sem ekki er afmælisveisla heldur ætlum við að eiga góðan fjölskyldudag. Á hans óskalista er súkkulaðibaka a la mamma, billiard, bíó og góður matur :) Það verður gaman.
Mér til MIKILLAR skemmtunar hefur verið japanskt þema undanfarna mánuði. Japanskir arkitektar halda fyrirlestur og eru með sýningu. Fyrst kom Sejima, svo Shigaru Ban og nú Kengo Kuma. Þessi mynd er af þeirri sýningu.
27 september, 2006
Uppskera
Þarna er Dagur (standandi til vinstri við hliðina á einhverjum í bleikum bol) með öllum krökkunum af golfnámskeiðinu á síðasta deginum. Það voru keppnir og lenti hann í 3.sæti og 6.sæti, frábær árangur. En stóru fréttirnar komu í gær...
Þessi golfklúbbur er með keppnishópa fyrir krakka og unglinga sem er erfitt að komast inn í. Strákarnir þar eru með mun lægri forgjöf en Dagur og orðnir virkilega góðir. En þeir sem stýra þessari starfsemi kynntust Degi og sáu hvað hann er búinn að leggja ótrúlega hart að sér í sumar og sýna góðar framfarir. Dag er búið að dreyma um lengi að geta verið með í þessu en við vorum alltaf að segja að það væri afar ólíklegt og þá alls ekki strax. En í gær fengum við þær fréttir að honum er boðið pláss þarna því þeim finnst hann hafa hæfileika og metnaðinn sem þarf. Við ætluðum að bíða með að segja honum það þangað til á afmælisdaginn en ...við gátum ekki beðið:) Það má alveg segja að þetta sé hans draumur að rætast því það sem gerist er að þeir æfa á veturna með fyrsta flokks kennurum og aðstöðu, bæði golf og þrek. Svo verða mót og ferðalög auðvitað, en kannski það besta er að komast í félagsskap með jafnöldrum sem hafa nákvæmlega sama áhugamál. Það eru ekki margir sem fá pláss , innan við 10, en Dagur þekkir allavega 2 og segir að þeir séu mjög skemmtilegir.
Þannig að eftir ótrúlegan dugnað undanfarið þar sem hann fór eldsnemma á morgnana út á völl, einn, og var fram á kvöld, alltaf og alla helgardaga, og eftir að hafa upp á sitt einsdæmi byrjað að vakna nokkrum sinnum í viku kl 6 til að hlaupa og lyfta lóðum, einn, þá er hann aldeilis að uppskera núna:) Við erum ótrúlega stolt og hann er búinn að fá bestu afmælisgjöfina.
Þetta er auðvitað hundgömul frétt en fyrir þá sem hafa verið neðanjarðar undanfarið af einhverjum ástæðum, þá má tilkynna það að hér voru kosningar. Þetta var æsispennandi, en þó ekki meira en svo að við nenntum ekki að kjósa, hvað þá að horfa á kosningavökuna. En ástæðan fyrir skrópinu var nú reyndar sú að mér fannst ég ekki vera búin að kynna mér málin nógu vel til að kjósa. En semsagt, ég rakst á þessa fréttamynd og var pínu hissa að hún er tekin við kosningar í Svíþjóð árið 2006!
22 september, 2006
-
Hæ,
allt gott að frétta, nóg að gera.
Minn skóli byrjar reyndar ekki með eins miklum látum eins og Dosta. Ég er byrjuð á lokaverkefninu en er enn að vinna án leiðbeinanda, ætla senda einhverjum skammarbréf varðandi það í dag...
Ég ætla að gera heilsumiðstöð /spa á ákveðinni lóð á Stykkishólmi. Gaman að gera verkefni í svona fallegum bæ með frábæru útsýni og umhverfi, ætla mér að nýta það. Lóðin er á hæð sem er bakvið hótelið og stendur hærra en það, milli golfvallarins og íþróttavallarins. Ég hugsa þetta sem miðstöð þar sem bæði er hægt að hafa fræðslu, hvíld, endurhæfingu og gistingu. Svo sendið endilega línu ef þið hafið skoðanir á þessu eða viljið benda á eitthvað svipað hvort sem það er vel heppnað eða ekki.
Veðrið er frábært ennþá, sól og hitinn um 20 gráður, virðist ætla verða jafn gott haust og í fyrra.
Á morgun er mikið um að vera hjá okkur. Dagur fer eldsnemma út á golfvöll, það er síðasta skiptið á því námskeiði og það verður keppni. Dosti fer í sitt fyrsta próf og beint eftir það förum við á norrænu skrifstofuna niðrí bæ þar sem Sigrún Eldjárn ætlar að lesa úr barnabókum og þar fáum við líka nokkur kíló af íslenskum þorski!!!
Heyrumst, AS
18 september, 2006
Vasaloppet og Vätternrundan 2007
Ég var að skrá mig í Vasagönguna (Vasaloppet), að vísu bara hálfvasaloppet (45 km). Þori ekki meiru í bili þar sem ég kann ekki á gönguskíði. En keppnin verður 27 febrúar svo ég hef 5 mánuði til að læra. Trúlega tókst mér að gabba Berg með mér. Það kemur í ljós! OG ÞAÐ ER ORÐIÐ OPINBERT, VIÐ FÖRUM SAMAN HÖND Í HÖND!!!
Svo opnar fyrir skráningu í Vätternrundan 22 september svo ef einhver vill koma með mér 300 km á hjóli 15 júní þá er ég í stuði! Markmiðið er að hjóla undir 11 klst.
Skólinn
Jæja, einhverjir hafa verið að biðja um fréttir úr skólanum. Ef ég ætti að summera hann upp þá gæti hann trúlega ekki verið betri. Aðstaðan, námsefnið, kennararnir, allt fyrsta flokks.
Skólinn heitir DSV og er í eigu KTH sem er tækniháskólinn og Stokkhólmsháskóla sem er með félagsvísindin. Þannig höfum við aðgang að kennurum úr báðum áttum. Tölvuöryggi hefur mikið með félagsvísindi að gera sbr lögfræði, sálfræði og félagsfræði.
Nú! ég er í bekk með kannski 40 öðrum en hvítir eru þar í algjörum minnihluta. Lang flestir örugglega 25 eru frá Kína og nágrenni eða Indlandi og nágrenni. Síðan eru 3-4 Svíar, og svo einn og einn frá öðrum löndum. Þetta lofar því góðu og ég býst við að bæta mig í framandi eldamennsku á næstu mánuðum og býð svo öllum vinunum í súpu frá Pakistan, aðalrétt frá Hong Kong og eftirrétt frá Marokkó. Bíðið bara :)
Annað skemmtilegt er að skólinn er við Isafjarðagötu, Borgarfjarðagötu og Gullfossgötu. Álma í skólanum heitir einmitt Borgarfjörður.
11 september, 2006
Klukkutími í brottför og þá kom rigning eftir annars stanslausa sól og mikinn hita allan tímann.
Fróðlegt að spjalla við leigubílstjórana sem ýmist komu frá Asíu, Afríku eða S-Ameríku. Höfðu það sameiginlegt að vera tímabundið í USA í námi. Þeir virtust líka bitrir yfir þeirri staðreynd að þeim fannst þeim sýnd lítilsvirðing í USA og hlökkuðu til að fara til heimalanda sinna af þeirri ástæðu. Jábs það eru ekki öll dýrin í skóginum vinir, ekki einu sinni í fjölmenningarpottinum NY.
Þetta var gaman, við fórum á "gamla rólóinn" hans Dags frá því við vorum hjá Þórdísi og Orra í East village. Ég held að við Þórdís höfum verið þarna daglega meðan ég var hjá þeim. Allt var eins og ég mundi:) minningar...
Fórum á innflytjendasafnið á Ellis Island, mjög fróðlegt. Sérstaklega gaman að sjá ljósmyndasýningu frá því að eyjan og byggingarnar höfðu verið myndaðar um 1980 eftir að hafa verið í eyði í áratugi.
Central Park
Þarna situr Dosti með kort af garðinum og það sem kom honum mest á óvart í allri ferðinni var hvað Central Park er ótrúlega stór garður...
08 september, 2006
Guggeinheim safnið! Frank L. Wright hannaði það um nírætt og dó þegar það var tilbúið. Þetta er uppáhaldsbygging Dosta og hann grét úr sorg þegar við sáum að húsið var þakið stillönsum og tjöldum...þvílík óheppni.
-
Takið eftir, Zaha Hadid sýning...(fyrir antiarkifólk:hún, ásamt kannski Sejima, er frægasti núlifandi kvenarkitektinn).
Þetta er á Filippeyska veitingastaðnum, þar var snilldarmatur. Það sem var frekar óvenjulegt var meðlætið sem var ekkert í líkingu við hrísgrjón, eða kartöflur eða neitt svoleiðis. Rétturinn stóð einhvernveginn fyrir sínu og engin auka óþarfi.
Þessi uppákoma var algjör brandari. Þetta er töframaður/með stand-up ívafi og við lentum óvart á hans frábæru "sýningu" í einhverjum garði. Í seinni hlutanum kallaði hann upp nokkra krakka og Dagur var einn þeirra. Dagur kynnti sig sem "Joe" til að létta honum lífið :)
Kallinn komst fljótt að því að hann var frá Íslandi! Eftir það var ekki aftur snúið, hinir krakkarnir fengu að setjast niður með blöðrurnar sínar en "Joe" var orðinn aðstoðarmaður!!! Kallinn gerði mikið úr því að "Joe" væri frá Íslandi og hefði hugsanlega aldrei séð svertingja áður, og því þyrfti hann að vanda sig sérstaklega mikið svo svertingjar fengju góða umsögn alla leið til Íslands. Þetta var allt saman hrikalega fyndið. Og í þokkabót var hann endalaust að kalla á hann...."JOE"!
Það besta var að allt kvöldið var fólk að kasta kveðju á "Joe" sem var auðvitað mjög auðþekkjanlegur...mjög vinalegt :) og sumir stöldruðu við og vildu fræðast um Ísland!
Skoðuðum Ground Zero svæðið, Dagur varð mjög sjokkeraður yfir því að koma þangað og mér sýndist þetta hafa mikil áhrif á hann.
Kirkjan sem stendur við Ground Zero varð að allsherjar áfallamiðstöð og staður þar sem sjálfboðaliðarnir gátu borðað, sofið og fengið nudd. Nú er þetta eins og safn.
Þátttakendur
Tenglar
- Árni Björn
- Bergur
- Binni og Stína
- Björn Görn
- Breki karatemaður
- Diddi
- Einkalíf Dosta
- Halla og Kommi
- Harva leikskóli jönu
- Hjördís
- Hrói
- Óli Helgi
- Móa
- Ragga
- Ragga prjónn
- Skóli As
- Una
- Þóra
- Þórdís og Orri
Fyrri færslur
- Smekklegir Svíar
- 2 Originally uploaded by Anna Sóley Jana, ...
- 1 Originally uploaded by Anna Sóley Jana, ...
- Hej då!
- Hver vill hjálpa til á fimmtudaginn við að flytja ...
- Stór Dagur og Jana!
- Skítverk?
- giraffi Originally uploaded by Anna Sóley ...
- Síðasta vikan...
- IMG_2076 Originally uploaded by Anna Sóley...
Söfn
- júlí 2005
- ágúst 2005
- september 2005
- október 2005
- nóvember 2005
- desember 2005
- janúar 2006
- febrúar 2006
- mars 2006
- apríl 2006
- maí 2006
- júní 2006
- júlí 2006
- ágúst 2006
- september 2006
- október 2006
- nóvember 2006
- desember 2006
- janúar 2007
- febrúar 2007
- mars 2007
- apríl 2007
- maí 2007
- júní 2007
- júlí 2007
- ágúst 2007
- september 2007
- október 2007
- nóvember 2007
- Núverandi færslur
Gerast áskrifandi að
Færslur [Atom]